CONCERTO DA ETRAD DE POA (CONXUNTO DE II DE AVANZADO). AUDITORIO MUNICIPAL DE VIGO. MÉRCORES 07/XUÑO DE 2023. 19:00H. EXTRAESCOLARES ETRADVIGO 2022-23.

O vindeiro mércores 7 de xuño, o grupo POA, integrado polos estudantes de II curso do Itinerario Avanzado da ETRAD ofreceranos o Concerto da ETRAD tras tres meses de xira na que tiveron ocasión de visitar os palcos de diversas Asociacións da bisbarra viguesa,así como tamén a Festa da Reconquista. Será no Auditorio Municipal de Vigo ás 19:00hs.

POA, o grupo de Conxunto II de Avanzado preséntase en concerto cun repertorio creado ao longo de dous anos na asignatura de Conxunto I e Conxunto II de Avanzado. Ao longo deste tempo, foron que de iren construíndo o seu particular hábitat estético que están en disposición de amosarnos o vindeiro mércores sete de xuño.

A música de POA é un diálogo aberto entre os instrumentos e as melodías tradicionais tanto cantadas como instrumentais sumado a unha intención: a do equilibrio entre a tradición, a re-creación e a actualización estética presente nuns arranxos que, o mesmo se concentran en retorcer as melodías como en buscar alianzas simbióticas que tornen monofonías individuais nun caleidoscopio coral cheo de pequenos matices para converter a POA nun deses abundantes muros de pedra seca presentes na paisaxe galega onde, nunha ollada lixeira, atopamos tanta diversidade vexetal, animal e de formas inorgánicas. 

POA son:

Beatriz Grande (zanfona), 

Antón Pombar (acordeón diatónico), 

Claudia Abril (voz e percusión)

Marina González (violín)

EXTRAESCOLARES ETRADVIGO 2022-23. 

CONCERTO DA ETRAD DE POA (CONXUNTO DE II DE AVANZADO). 

AUDITORIO MUNICIPAL DE VIGO.

MÉRCORES 07/XUÑO DE 2023.

19:00H. 

ENTRADA LIBRE E DE BALDE ATA COMPLETAR AFORAMENTO.