Novas

GALAXIA ETRAD 23/24. A mestra de Arpa Céltica da ETRAD participa na terceira xornada de VIGOFEM organizado pola Concellería de Igualdade. Mércores 18/OUT. 19:00h. Auditorio Municipal de Vigo.

Mércores 18 de Outubro de 2023


A mestra de Arpa Céltica da ETRAD participa na terceira xornada de VIGOFEM organizado pola Concellería de Igualdade.Mércores 18/OUT. 19:00h. Auditorio Municipal de Vigo.

A mestra de Arpa Céltica da ETRAD, Begoña Riobó participa na terceira xornada do proxecto artístico-cultural VIGOFEM, organizado pola Concellería de igualdade. do Concello de Vigo co objetivo de promocionar ás creadoras de Vigo. Será na -Charla-Concerto “ MULLERIBUS” que se celebra este mércores, 18 de outubro no Auditorio Municipal ás 19:00h.  Margarita Viso falará sobre o papel das mulleres na música ao longo da historia, a súa trascendencia e a súa presencia na actualidade. Trala charla, gozaremos da música da violinista Begoña Riobó e da cantante Su Garrido Pombo. A xornada pecharás co concerto de “WÖYZA & The Galician Messengers” na Porta do Sol ás 21:00h.


- Charla-Concerto “ MULLERIBUS”

Mércores, 18 de outubro

Lugar : Auditorio Municipal. Praza do Rei

Hora de comezo: 19:00h

Interveñen: Margarita Viso, Begoña Riobó, Su Garrido Pombo

.- Concerto “WÖYZA & The Galician Messengers”

Hora de comezo: 21:00 h

Lugar: Porta do Sol

 


Toda a info sobre VIGOFEM:

A Concellería de Igualdade informa do programa de actividades que, no marco do proxecto VIGOFEM, desenvolveranse na cidade durante a semana do 16 ao 20 de outubro.


VIGOFEM é un proxecto artístico e cultural protagonizado por mulleres que comeza a andar o luns 16 de outubro, coincidindo co DÍA DAS ESCRITORAS.


Durante unha semana do mes de outubro desenvolverase un programa cultural diverso, protagonizado por mulleres, que aspira a dar a coñecer, difundir e poñer no centro da historia e da sociedade, a creación das mulleres, sensibilizando e promocionando os valores de igualdade. Un espazo de reflexión e reivindicación con perspectiva de xénero. Este proxecto persegue crear referentes femininos para as xeracións presentes e futuras en todos os ámbitos ( artísticos, científicos, creativos, sociais, políticos, deportivos, etc) rescatando a moitas mulleres do esquecemento e reivindicando o lugar de todas no centro da historia para acadar recoñecemento e espazos de influencia.

Ten como finalidade a de crear, desde Vigo, e con proxección tanto local como nacional, un espazo onde avanzar nos principios de igualdade, onde difundir a cultura feminista e experimentar e impulsar a creatividade das mulleres, facendo visible a desigualdade de xénero na cultura dominante.

 

Programa 16 ao 20 de outubro:

.- Encontro Literario “ IMPROVISA”

luns, 16 de outubro

Lugar: galería do MARCO. Rúa Príncipe

Hora de comezo: 19:00h

Interveñen: Xina Vega, Isabel Blanco, Anna Figueiredo, Silvia Penas, Branca Trigo e Miriam Ferradáns.

As escritoras formarán dous grupos por xéneros literarios: narrativa ( Xina Vega, Anna R. Figueiredo e Isabel Blanco) e poesía ( Silvia Penas, Branca Trigo e Miriam Ferradáns). Durante 20 minutos, cada grupo ( 10 minutos cada grupo) improvisará un ou varios textos que serán recollidos en soporte dixital e proxectados mentres se crean.

Unha vez terminadas as roldas de improvisación das autoras, invitarase ao público- tanto adulto como infantil) a participar, por espazo de outros 15 minutos.

Para celebrar o Día das Esscritoras darase lectura textos de autoras previamente elixidas.

Ao remate, o público que o desexe poderá facilitar o seu enderezo electrónico ao que lle enviarán os textos creados como lembranza do I Encontro Literario “ Improvisa”.

.- Peza teatral “ SORPRESA”

Martes, 17 de outubro

Lugar: galería do MARCO. Rúa Príncipe

Hora de comezo: 19:00h

Compañía: Enconarte Producciones

SORPRESA unha peza ó máis puro estilo Enconarte feita por mulleres para falar de mulleres ca excusa dunha festa viaxaremos pola vida de NORA unha muller que deixou a súa profesión para exercer de nai unha muller educada no catolicismo feroz unha muller medicada e bébeda e unha muller intelixente riquiña e sensible e con intensas ganas de xogar de vivir e de amar 20 minutos de tiovivo emocional con moitas moitas risas un espectáculo interactivo sen pelos na lingua que da conta do empoderamento dunha muller.


.- Charla-Concerto “ MULLERIBUS”

Mércores, 18 de outubro

Lugar : Auditorio Municipal. Praza do Rei

Hora de comezo: 19:00h

Interveñen: Margarita Viso, Begoña Riobó, Su Garrido Pombo

 

Venres 21/OUT

.- Concerto “WÖYZA & The Galician Messengers”

Hora de comezo: 21:00 h

Lugar: Teatro Cine Salesianos

 

Todas as actividades teñen a entrada libre e gratuíta ata completar o aforamento.

Compartir en