Novas

GALAXIA ETRAD. Bea Martínez e Rodrigo Romaní publican ILLAS, un EP con tres paisaxes sonoras dende a óptica da arpa céltica.

Martes 12 de Maio de 2020


GALAXIA ETRAD. Bea Martínez e Rodrigo Romaní publican ILLAS, un EP con tres paisaxes sonoras dende a óptica da arpa céltica.

Bea Martínez e Rodrigo Romaní publican o EP ILLAS, tres paisaxes sonoras dende a óptica da arpa céltica a formato dúo que explora, con sobresaínte gusto e creatividade, músicas recreadas nunha interpretación sensible ao matiz e plena duns detalles que so van deixarse descubrir flirteando con sucesivas audicións. Xunto a isto, planea sobre o seu enfoque, unha virtuosa complexidade agochada tras unha pel de aparente sinxeleza. Por forzar un símil de espellismo matérico, é como ter diante unha reticulada e aberta noz e visualizar en troques o brillo colorado dunha tersa nectarina. Trucos todos reservados a músicos de alambique máxico. Non perdades a oportunidade de escoitalos coa atención transida polo estado de corpo aberto.

ILLAS é, nas súas palabras, un traballo elaborado dende a óptica que o período de confinamento polo COVID19 permitía. Unha reflexión instrumental baseada nos sons combinados de dúas arpas célticas, a expresión de dúas illas unidas na distancia pola música e a inspiración nunha linguaxe común, entendendo a melodía como un exercicio de enriquecemento contrapuntístico e harmónico sinxelo na súa sensación sonora e complexo na súa excepción.

O EP ILLAS, que foi gravado en confinamento durante abril de 2020 e que publica ALTAFONTE, presenta estes tres temas dos que vos deixamos os enlaces:

O primero, un tema extraído do Bailadeiras nunha revisión para dúo de arpas da obra recreada polo grupo Milladoiro.


A Segunda entrega do EP "ILLAS", é unha composición de Antón Seoane, recreada para dúas arpas por Beatriz Martínez e Rodrigo . Vídeo con texto de Fernando Pessoa.
Voo


Aquí a terceira e última entrega do EP ILLAS, recreación da melodía composta por Bea Martínez, presente no primeiro traballo do grupo Ghaveta.
Pandeira

Compartir en
Esta web emprega cookies. Se continúas navegando entendemos que aceptas a nosa Política de cookies.